Останува неизвесно дали денеска ќе се одржи лидерска средба помеѓу потписниците на Договорот од Пржино, Никола Груевски, Зоран Заев, Али Ахмети и Мендух Тачи, иако сите партии вчера имаа поединечни средби со германскиот пратеник Јоханес Хајндл, со цел надминување на политичката криза.
По средбите со партиите, Хајндл не даде никаква изјава за медиумите, а според најавата тој останува во Скопје и денеска.
За денеска напладне е средба на работните групи на партиите во Пржино.
На вчерашните поединечни средби Хајндл се сретна со Заев, Тачи и Ахмети, додека во штабот на ВМРО-ДПМНЕ наместо лидерот на партијата, го пречекаа партиски претставници. Како што информираа од ВМРО-ДПМНЕ, Груевски се уште е на свадба кај пријател во Италија, а како што дознава НОВА од дипломатски извори, за ова германскиот пратеник кој пристигна во Скопје специјално да се сретне со лидерите – потписници на Пржино воопшто не бил информира за отсуството на Груевски.
На средбата на Бихаќка, СДСМ писмено соопшти заеднички став на партијата и Хајдл било дека нема време за губење и дека е неопходно брзо решение за политичката криза, а тоа е прецизирање конкретни чекори за исполнување на двата клучни услова за брзи фер и демократски избори во Македонија и организација и спроведување слободни избори според Договорот од Пржино.
И лидерот на ДУИ Али Ахмети пред пратеникто посочил дека се залага за брзо решавање на кризата.
Лидерот на ДПА Меундух Тачи пак, вчера изјави дека по посетата на Хајндл и пристигнувањето на Нуланд на 11. јули, можни се решенија за излез од политичкиот ќорсокак и приближниот датум за избори.