За време на одржувањето на Супер купот вчера, приведени се 14 лица од кои шест странски државјани и осум македонски државјани, соопшти на прес конференција министерот за внатрешни работи Оливер Спасовски
Спасовски го истакна и случајот на спречување на службено лице во вршење службено дејствие од страна на вработен во Агенцијата за разузнавање.
Неофицијално се работи за 26. Годишниот Благојче Ристовски, при редовен преглед на лице кое имало карта за влез на Градски стадион, им пришол на колегите и започнал да се расправа со нив зошто толку долго траел прегледот врз лицето и најпрво го оттргнал лицето врз кое што се вршел прегледот, а во исто време го турнал на страна лицето што го врешело прегледот.
Откако се вклучиле и останатите колеги да интервенират, разузнавачот извадил службена легитимација дека е вработен во Агенција за разузнавање.
Бидејќи истиот давал активен отпор не можеле да го разубедат да се смири, бил совладан и бил врзан со лисици и приведен во полициската станица во Кисела вода. При извршен алкотест констатирано е дека има 1.06 промили алкохол. “Случајот се третира како „Спречување на службено лице во вршење службено дејствие“.
Еден странски државјанин е повикан да даде исказ пред јавен обвинител бидејќи бил купувач на билет во случај на препродажба на билети.
Регистрирани се три случаи на препродавање на билети за Суперкупот од страна на тројца странски државјани (двајца англиски и еден српски државјанин) и двајца македонски државјани, за кои во текот на денешниот ден ќе бидат поднесени кривични пријави за сторено кривично дело ,,недозволена трговија“ став два од Кривичниот Законик.
Прекршочно ќе се гонат и двајца македонски државјани за недозволена продажба на шалови со натписи на Реал Мадрид и Манчестер јунајтед.
Министерот Спасовски рече дека не биле регистрирани посериозни инциденти и им се заблагодари на сите вработени во МВР кои дадоа придонес за организацијата на натпреварот од Супер купот на УЕФА меѓу Манчестер јунајтед и Реал Мадрид да помине во најдобар ред.