Разочаран од тоа што никој од Врховниот суд не се одзива на неговите барања за судски спор што почнал пред 65 години, Душко Бранковиќ од Скопје влезе во неговата 13-та недела откако самиот секојдневно мирно протестира пред Врховен суд во Скопје.
Вели разочаран е, и подготвен е да оди до судот во Стразбур само предупредува тогаш ќе треба државата да плати отштета.
– Да напишам нешто пред вашата куќа некој ќе излезе и ќе праша за што станува збор, а јас тука стојам и никој не дојде да праша, толку напишав за нив, не знам што треба да направам, вели Бранковиќ надополнувајќи дека не сака да прави скандал за некој да реагира.
Според неговото објаснување, во 1947 година со акт за експропријација во корист на Тутнскиот комбинат Скопје, била одземена парцелата 13810 на неговата баба во квадратура од 3440 квадратни метри.
Во 1962 година пак, со решение од општина Кисела Вода земјиштето повторно и се одзема на Трајанка Ставрова иако не била корисник на истото.
Подоцна со пресуда на Врховниот суд во 1973, тие успеваат да го вратат земјиштето. Во меѓувреме тој е разочаран што Врховниот суд тврди дека општинското решение кое го добил е посилно од нивната одлука.
Душко Бранковиќ за својот случај ги известил сите институции и амбасадите, а разочаран е и од „медиумите на режимот“ како што ги нарече, што не обрнуваат внимание на неговиот случај.
Во меѓувреме тој вели води управна постапка за поништување на решението од општината, бидејќи за него е несфатливо како може два пати да се земе земјиште кога веќе еднаш е земено од неговата фамилија. Бил обвинуван и дека лажно претставувал госпоѓа која требало да биде неговата мајка иако таа била почината.
Повеќе во видеото…