Како што соопшти денеска малезиското Министерство за транспорт, во патничкиот авион кој вчера се урна во источниот дел на Украина најбројни биле холандските државјани- точниот број изнесува 173.
Холандскиот премиер Марк Рут изјави дека четврток е „црн ден“ за Холандија, а падот на авионот веројатно е најлошата авионска несреќа во холандската историја.
44 патници биле на Малезија, меѓу кои 15-члениот екипаж и две новороденчиња, потоа 27 Австралијанци, 12 Индонезијци, вклучувајќи и едно бебе, девет Британци, четворица Германци, четворица Белгијци, тројца Филипинци, еден Канаѓанец и еден државјанин на Нов Зеланд.
Се уште не е утврдена националноста на 20 патници.