Средовечни госпоѓи и не претерано згодни мажи се дел од бродвејската актерска екипа која реши да направи пародија од светскиот еротски бестселер.
Ако сте ја прочитале книгата и сакате уште детали- подготвени сте за мјузикл. Еротскиот бестселер „Педесет нијанси сиво“ од страниците на книгата се пресели на сцената и се претвори во комедија.
Оф-Бродвеј пародијата ја изведува театарската трупа од Вирџинија, „The Pushers“.
Претставата нема благослов од британската авторка на книгата, Е.Л. Џејмс, но продуцентот верува дека таа ќе може да ја разбере шегата.
„Знаете што, тоа е пародија. Па може и да се претера“, вели Тим Флаерти.
„Ќе земеш нешто што е графички приказ во книгата и во претставата го претворате тоа во нешто комично. И мислам дека тука е одземена сета морничавост. Прказната е забавна и со секој можете да се шегувате“, додава тој.
Експлицитната еротска приказна за односот на една млада жена со згоден претприемач е раскажана преку танц и познати поп-хитови и авторите на оваа пародија се сигурни дека нивните извртена верзија има по нешто за сите.
„Не ја напишале Војна и мир, но нема сомнение дека е забавно. Ми се допаѓа дека нашата публика се обични и средовечни жени, што може да му помогне на мојот љубовен живот“, се пошегува McMurran.
Со оглед на експлицитните еротски сцени и сексуалната содржина на книгата, конзервативните и срамежливите луѓе може да помислат дека треба да се држат настрана од мјузиклот, но актерите велат дека еден релаксиран став е сè што ви е потребно.
“Ќе ви биде прилично удобно”, вели актерот Метју Бегли.
Овие чувства ги дели и на неговиот колешка, Елизабет Гарднер, “Но, сите ние сме многу добри пријатели. Сите сме многу блиски, што мислам дека помага она што би можеле да бидат непријатни ситуации да не бидат непријатни“.
Музичката пародија „Врзи ми лисици: Педесет нијанси сиво“, се отвора на 5 мај, во театарот „Actors Temple“ во Њујорк.