Македонската национална мрежа, МРТ, се соочува со сериозни санкции, вклучително и губење на правото за пренос и учество на Евросонг 2018, поради неплатени долгови – пренесува „Пина“.
Европската унија на преносители (ЕБУ) објави на 26 октомври дека го прекинува пристапот на МРТ поради долгови.
– За жал, Македонската радио телевизија повеќе нема пристап до нашите услуги додека не го платат нивниот долг – вели Клер Реинфорд, портпаролка на ЕБУ.
Реинфорд не кажа колку е задолжена МРТ, но локални медиуми цитираа анонимни извори од МРТ, дека долгот можеби е 22 милиони евра.
Официјални лица од МРТ не беа достапни за коментар.
Ова нема да биде првпат некоја земја да ги изгуби своите права за Евровизија, годишниот музички фестивал која традиционално е проследен од публика проценета на 200 милиони луѓе.
Лани, само неколку недели пред натпреварот, ЕБУ ги укина услугите кон националната телевизија на Романија, поради неплатен долг.