Published: Thursday, January 30, 2025 12:34
Нуркачки тим пронашол една од двете црни кутии од патничкиот авион кој се урна во реката Потомак по судирот со воен хеликоптер во близина на Вашингтон, јави Си-Би-Ес.
Нуркачите имале пристап до кабината на авионот, а црната кутија е меѓу предметите што ги пронашле.
Потрагата по телата и можните преживеани продолжува.
Најмалку 19 лица загинаа кога патнички авион со 64 луѓе се судри со воен хеликоптер Блек Хок со тројца војници и се урна во реката Потомак додека се обидувал да слета на националниот аеродром Роналд Реган во близина на Вашингтон.
Официјален претставник за Си-Би-Ес изјави дека досега не се пронајдени преживеани.