Москва: Бројот на жртви од експлозијата во ресторанот „Балзи Роси“ на плоштадот Кудрински во центарот на Москва се искачи на пет, откако двајца повредени починаа во болница. Повеќе од шестмина се уште се во тешка состојба, објавија светските медиуми.
Рускиот национален антитерористички комитет претходно објави три смртни случаи. Рускиот истражен комитет покрена кривична постапка под сомнение за терористички напад.
Според досегашните информации, експлозивната направа била скриена во кутија што личела на подарок, а била активирана од далечина.
Истражителите веруваат дека жената што го донела пакетот можеби не знаела што има во него.
Руските власти сè уште не го објавиле официјалниот мотив за нападот.
Некои руски медиуми и канали на Телеграм шпекулираат дека целта на експлозијата можеби била приватна прослава на 55-тиот роденден на Александар Чаик, командант на руските воздухопловни сили.
Како една од причините, тие го наведуваат натписот „Александар 55“ кој наводно се наоѓал на влезот на ресторанот.
Исто така, каналот Телеграм на ЦПЦ-ОГПУ тврди дека мажот кој во првите извештаи е опишан како обезбедувач можеби припаѓа на Руската Федерална служба за безбедност (ФСО), но оваа информација не е потврдена ниту од надлежните институции.
Експлозијата се случила за време на приватен настан во ресторанот „Балзи Роси“ во центарот на Москва.
Во првите официјални информации беше наведено дека тројца се убиени, додека 15 се повредени. Подоцна беше потврдено дека бројот на жртви се искачи на пет.