Зоран Иванов
Има, секако, уште побаеги фини атрибути како неколкуте во насловот кои можат да му се прикачат на Христјан Мицкоски, а по повод неговата промтна реакција на предлог резолуцијата што во името на СДСМ денеска ја промовираше партискиот претседател Венко Филипче.
Во тексто дословно стои дека документот е отворен за коркции, дополнувања, дообјаснувања.
Но тоа, очекувано, не беше доволно за мало трпение од власта, попрецизно од Мицкоски.
Човекот актуелен премиер реагираше теренски. Се огласи негаторски, потценувачки, простачки, примитивно.
Но тоа, таквите навидум надмени, препотентни, а всушност, непримерни и непристојни, некоректни е преблаг термин, туку уличарски, еве поблаго, маалски испади, не се ич изненадување од дотичната персона откако гласачите лани во мај го устоличија за најмоќна политичка фигура во Макдонија.
А тоа негово денешно од нога отфикарување на предлогот на СДСМ за алтернативите за одзатнување на затнатите ЕУ интеграцции, можеше да ги срочи по професорски, малку по интелектуално и по интелигентно онака некако по адекватно на неговите академски и едукаторски титули професор и доктор на науки.
Само можеше. Имаше можност да го стори тоа по урбано. По елегантно, политички по коректно, по цивилизирано и по приемчиво и за интелектуалната фела на кој, нели, тој и како универзитетски професор и’ припаѓа, а и за својот прв партиски ешалон па и за својата гласачка база.
Но премиерот го искористи чинот за на опозицијата уште еднаш да и` прати порака да не се мачи зашто тој и неговите, наспроти нивните магливи прокламации, Македонија не ја сакаат во ЕУ.
И дека не сакаат дијалог на темата ЕУ и дека повеќе нема смисла никаков дијалог на таа тема и дека нема смисла натаму да го замараат со ЕУ.
Не мора зашто ние ЕУ ќе сме ја донеле овде, демек.
Сепак, ако од сево, од оваа со резолуциииве, нека е тоа само уште една меѓупартиска игранка, еве, уше еднаш, и уште појасно, се кристализираа две актуелни меѓупартиски но и две државн нешта во врска со Македонија и ЕУ:
Прво, СДСМ ги исцрпи сите можности да ја убеди ВМРО-ДПМНЕ да го одблокира преговарачкиот процес и,
Второ, ВМРО-ДПМНЕ со денешната најава дека на местото на резолуцијата на СДСМ за „црвени линии”, ќе предложела своја за „национални линии”.
Денеска, со рекацијата на Мицкоски на предлогот на Филипче, уште еднаш се потврди дека на темата ЕУ дијалогот меѓупартиски е невозможен. И тој што го има само преку медиумите е непродуктивен, навредлив и клеветнички и, оттука, и непотребен.
И сега, по речиси уште не легната на маса, со квалификациите на Мицкоски и со најавата за негова резолуција како замена за оваа денешнава на Филипче, практично со неговото отфрлање на предлог ЕУ документот на СДСМ, темава е препуштена на времето кое овие редови или бргу ќе ги потврди или одложно ќе ги демантира. Ќе покаже дали Христијан е, или не е, уште една промашена македонска политчка инвестиција.
Завршувам со насловот на овие редови во кои потсетувам дека денешната реакција на Мицкоски на предлогот на Филипче е само уште едоно негово непристојно и, посебно, од позиција на прва политичка личност во државава, некоректно, неприкладно, глупаво и карактерно прмитивно однесување.