Демократската унија за интеграции денеска во партиското седиште во Мала Речица, одржа состанок на централниот изборен штаб, општинските изборни штабови и ограноците на партијата.
Според шефот на изборниот штав на ДУИ, Беким Незири, ДУИ во албанскиот политички блок ќе освои најголем број гласови и демократски е таа да биде дел од новата влада.
„Апсолутно демократско право е дека треба да се почитува гласот на граѓаните на Македонија, и ние остануваме на тој курс, дека секогаш гласот на народот е тој што треба да се престави во Собрание или во кои било други институции“, рече Незири.
Според него, на средбата, лидерот на ДУИ, Али Ахмети одлучил да се почне со активностите предвидени за нивната предизборна кампања.
Незири рече дека посебно внимание на овие избори, ДУИ ќе посвети на гласачите од дијаспората.
Тие исто така одлучиле дека ДУИ ќе настапи сама на престојните избори закажани за 11-ти декември.