Над 4.400 граѓани го ставиле својот потпис на петицијата за спас на Градскиот трговски центар од барокната фасада, информираше за НОВА, Даница Павловска, претседател на ААМ.
„Во петок продолжува потпишувањето. Ќе побараме дискусија со претседателот на владата, претседателот на држава. Досега не прими само градоначалникот на Центар“, вели Павловска.
„Ова е етичко-професионално прашање – станува збор за совест. Дел од колегите – архитекти се плашат дека ќе ги изгубат своите работни места, но подготвени се да го поднесат јавно жигосување“, вели за НОВА, Павловска.
Архитекти, професори, студенти и граѓани во знак на подршка на оваа иницијатива во петокот со свои излагања пред илјадниците собрани граѓани имаа свои излагања за неприфатливоста на новото предлог решение за бараокна фасада на ГТЦ.
Со паролите „Не го даваме градот, градот е наш!“ и „Го сакам ГТЦ!“, стотици луѓе формираа жив штит, симболично прегрнувајќи го главното обележје на модерно Скопје, за да го одбранат од барокот.