Изминатиот период бевме сведоци на широк консултативен процес по предлогот на француското претседателство за преговарачка рамка со Европската Унија и како пратеници внимателно ја следевме рамката и ги нотиравме клучните загрижености и сметавме дека Собранието е клучното место каде што треба овој процес да има епило, изјави координаторот на пратеничката група на ДУИ, Арбр Адеми.
Адеми соопшти 6 заклучоци со кои ја обврзуваат оваа Влада и преговарачки тим но и секоја наредна Влада и преговарачки тим да ги почитуваат зашто без нивно почитување нема да се можни ниту преговорите, рече тој.
„Како прво трба да се поздрави фактот дека преговорите почнуваат веднаш и стартот на скринингот. 2) Ќе ја задолжиме Владата безусловно да ги почитува јазичните, идентитетските,културните и историските особености на македонскиот народ како елементи за кои не се преговара, согласно резолуцијата од пред една година. 3) Ќе ја задолжиме владата за чисто и безусловно користење на македонскиот јазик и при склучување на Договори како што е Договорот за соработка во фронтекст. 4) Со приемот на Македонија во ЕУ македонскиот јазик да стане еден од јазиците на кои се говори во ЕУ, без астерикс или било кои додавки. 5) Билатералните прашања да не ги прифаќа како одредници од кои ќе зависи отворањето и затворањето на кластерите во текот на преговорите со ЕУ. 6) Со посебен заклучок ќе ја задолжиме Владата да бидат вградени овие заклучоци во пристапната изјава на Владата на РСМ при самиот старт на преговорите како црвени линии, без кои не може да се преговара било што, објасни Адеми. (М.Т.)