Претседателот на египетскиот Уставен суд Адли Мансур положи денеска заклетва како привремен претседател на Египет, откако претходно војската го собори од власт досегашниот шеф на државата Мохамед Морси.
Церемонијата беше емитувана во живо од националната телевизија. Според указот на воените власти Мансур ќе ја извршува функцијата се до изборот на нов претседател, а датумот на изборите се уште не е определен.
– Најважната работа, која се случи на 30 јуни е тоа што Египќаните се обединија под исто знаме, изјави новиот претседател во врска со масовните протести, кои избија со барање за оставка на Морси.
Повеќето египетски држави медиуми денеска едногласно го поздравија соборувањето на Морси од власт. Со големи црвени букви државниот весним „Ал Ахрам“ пишува дека „соборувањето на претседателот е револуционерно легитимно“, а весникот „Ал Акхбар“ објави дека „револуцијата на народот победи“.