Лидерот на ДУИ, Али Ахмети, испратил писма до претставниците на меѓународната заедница, објавено е денеска на веб страната на партијата.
За интегративците ова се луѓето кои многу придонеле во Македонија и во регионот во 2001 година и од нив побарал помош за решавањето на спорот со името.
Писмата се испратени до поранешниот генерален секретар на НАТО, Џорџ Робертсон, Јап де Хоп Шефер, Хавиер Солана, кој беше висок претставник на ЕУ за надворешна политика, како и до Питер Фејт, Ник Бигман, Џејмс Пердју, Франсоа Леотар, Ален Ле Рој, Кристофер Хил, Филип Гордон, Николас Барнс и многу други.
НОВА во целост го пренесува текстот од писмото:
„Почитувани, дванаесет години по потпишувањето на Охридскиот рамковен договор и по повеќе од една деценија на заеднички капитал од меѓународната заедница и локалните власти, ви пишувам за да Ви се заблагодарам уште еднаш за вашиот придонес вреден придонес кон овие достигнувања.
Ова залагање донесе искрен дијалог и заеднички мир, безбедност, стабилност, стабилна меѓуетничките односи во Македонија и евроатлантска перспектива, а Македонија доби и кандидатски статус за членство во ЕУ во 2005 година главно како резултат на имплементацијата на Охридскиот договор. Исто така, НАТО призна достигнувања на земјата и заклучи дека Македонија е подготвена да стане членка на Алијансата, кон која сите ние се стремиме.
Но, јас ви пишувам за да ја изразам мојата загриженост дека сите овие достигнувања може да бидат загрозени од нерешениот спор за името на нашата земја со јужниот сосед Грција. Овој спор ја држи Македонија далеку од сите странски инвестиции, членството во НАТО и ЕУ.
На 100-годишнината од трагичните Балкански војни, дојде време за помирување меѓу народите на земјите од Западен Балкан и интеграцијата на сите земји во НАТО и во Европската Унија. Република Македонија и Грција мора да постигнат договор сега и да го следат патот на компромис кој го достигнаа Косово и Србија”, се вели во писмото на Ахмети.