Според Љубица Рубен, од Друштвото за заштита на акционерски права, за „24 Вести“ вели дека на годишното Собрание на „Макпетрол“ АД, мнозинството акционери биле против годишните извештаи на компанијата и побарале објаснување за загубите и независна ревизија.
Рубен, која работи во адвокатската компанија „Менс Легис“, вели дека исходот од ревизијата го чекаат и потенцијални руски инвеститори кои, според неа, се заинтересирани за македонскиот нафтен гигант.
Инаку, „Менс Легис“ на својот корпоративен веб сајт на 17 мај објави и повик до акционерите и вработените да си го заштитат својот акционерски капитал.
„Согласно официјалните податоци за искажаната загуба во МАКПЕТРОЛ АД Скопје Вашиот акционерски капитал е обезвреднет. Загубата за 2012 година изнесува 58.592.056 денари (приближно 952.716 евра). Загубата продолжува и за само првите три месеци во 2013 веќе изнесува 2.400.000 евра. И покрај тоа што голем дел од имотот на МАКПЕТРОЛ АД Скопје е ставен под хипотека, сепак на дневниот ред на акционерското собрание закажано за 1 јуни 2013 година е ставена точка за одобрување на зделка со заинтересирана страна за отуѓување на средства на МАКПЕТРОЛ АД Скопје во корист на КДА ОИЛКО Скопје,“ се вели во повикот и се додава дека акционерскиот капитал е доверен на управување на менаџери кои не се акционери во МАКПЕТРОЛ АД Скопје, туку во КДА ОИЛКО Скопје и кои донесуваат одлуки спротивни на интересите на акционерите.
Покрај ова, адвокатската компанија тогаш побара акционерите директно учествуваат на акционерското собрание или дадат полномошно на Друштвото за правни работи „МЕНС ЛЕГИС“ да им обезбеди бесплатно застапување и заштита на нивните права и интереси на акционерското собрание на МАКПЕТРОЛ АД Скопје.