Домашните пиварници се назадоволни од најновите законски измени кои предвидуваат скорешно покажување на акцизите за пиво. Со оглед на тоа дека пивото е еден од производите чија побарувачка и консумација постојано расте, тиe се плашат дека оваа мерка ќе го загрози овој нагорен тренд, се вели во истражувањето на Капитал.
Лани домашните производители произвеле 633 илјади хектолитри пиво.
„Со овие законски промени воопшто не може да стане збор за очекуван раст на потрошувачката на пиво, туку напротив, за пад“, велат во Прилепска пиварница.
„Анализирајќи ги последните трендови во светот, точно е дека потрошувачите ја наметнуваат потребата од здрави производи, но сепак, сето тоа е поврзано со стандардот на потрошувачите и нивните навики за купување. Ако се погледнат податоците во државите од нашето опкружување, се забележува дека менталитетот и навиките за купување на пијалаците како категорија се приближно слични.
– Но, едно треба да се сфати – консумацијата на пиво апсолутно не е нездрава навика. Се разбира, доколку се консумира во нормални количини“, велат од Прилепска пиварница, од каде што потенцират дека е погрешно третирањето на пивото од страна на законодавецот како алкохолен пијалак на кој треба да се плаќа „огромна акциза, за да се ‘спречи’ неговата консумација“.
Велат дека ваквиот третман е нелогичен и апелират да се работи на подобрување на навиките за консумација во здрави количини.