Околу 22 илјади деца дневно или 8 милиони годишно исчезнуваат во светот. Овие застарашувачки податоци од Интернационалниот центар за исчезнати и киднапирани не се доволен аларм некои држави да развијат механизам за пронаоѓање на исчезнатите деца за кои постои голем ризик дека може да бидат искористени за проституција, питачење, трговија со органи предупредуваат во Првата детска амбасада Меѓаши.
-Доколку некое исчезнато дете не се пронајде во рок од 96 часа постои голема веројатност дека е однесено надвор од границите на државата изјави Јана Зенговска психолог и координатот на СОС линијата за деца и млади во Меѓаши.
Во Македонија нема официјални податоци колку деца досега исчезнале од државата, ниту пак доволно се алармира за ова проблематика. Неофицијално се зборува за бројка од околу 200 деца кои исчезнале во последните три децении. На официјалната веб страна на МВР има фотографии од четири исчезнати деца чии родители дозволиле да бидат објавени нивните податоци. Од Меѓаши предупредуваат посериозно да се работи на оваа проблематика. Тие во моментот работат на добивање на европскиот број 116 000 на кој децата и родителите ќе можат 24 часа да се јавуваат за веднаш да бидат известени во МВР и службите кои се занимаваат со оваа проблематика во Европа.
-И родителите треба да се во тек со новото време, да не ги пуштаат децата до десет годишна
возраст сами надвор. Доколку се излезени да се движат во група заедно, а ако некое дете се најде во раце на непознато лице треба веднаш да алармира, да вика гласно, да го удри или избега доколу може вели Зенговска.
Нема информации ниту колку деца досега се пронајдени. Неофицијалните податоци говорат дека исчезнатите деца од Куманово се пронајдени во друга држава, а за девојчето од Мариово имаше податоци од МВР кои ја збунија јавноста, за подоцна да настане комплетен молк за овој случај.