Албанија нема да дозволи на нивна територија да се уништува сириското хемиско оружје.
Ова го изјави албанскиот премиер Еди Рама, во денешното обраќање во јавноста.
Ваквата одлука на албанските власти беше донесена по неколкудневните протести на граѓаните кои жестоко се спротивставија на барањето на САД околу илјада тони сириското хемиско оружје да биде уништено во нивната земја.
Во телевизиското обраќање до нацијата, социјалистичкиот премиер Рама соопшти дека официјална Тирана нема да го прифати барањето за уништување на хемиските отрови, кои меѓународните инспектори ги запленија од режимот на сирискиот претседател, Башар ал Асад.
„За Албанија е невозможно да биде дел од оваа операција“, изјави Рама.