Што ќе добиеше Албанија доколку прифатеше сириското хемиско оружје да се уништува на нејзина територија, беше актуелната тема деновиве. Некои медиуми дури се повикуваат на доверливи извори од Владата во Тирана, потврдувајќи дека од САД ќе се обезбедеше помош за Албанија преку пакет кој има пет значајни бенефиции, пренесува Алсат-М.
>> Албанија нема да го уништува хемиското оружје на Сирија
Американскиот пакет вклучувал:
1. Помош за обезбедување на статусот држава-кандидат во декември.
2. Помош за пристапување на Албанија во ЕУ во текот на првиот мандат на владата на Еди Рама.
3. Финансиската поддршка колку три буџети на Албанија (буџетот за 2012 година беше четири милијарди долари така што износот на финансиската помош би била над 10 милијарди долари).
4. Гаранција за давање специјален статус за Албанија за укинување на визите за во САД.
5. Предлог Албанија да ја добие Нобеловата награда за мир.
Според наводите, Албанија била избрана како соодветно место за уништување на сириското оружје благодарение на близината до Африка и предноста што излегува на море.
Како што пренесува медиумот, според експертите Албанија била избрана и поради искуството со уништувањето на оружјето на поранешниот комунистички режим.
Според нив, со добар и профитабилен договор Албанија можела да добие помош и финансирање на изградбата на постројки за уништување на хемиските средства, не само за уништување на сириското оружје, туку и на средства и материјали кои останале во одредени складови од режимот на Енвер Хоџа.