Броењето на гласовите од изборите во Албанија сеуште не е завршено, но победата на левицата е сигурна.
Коалицијата за Европска Албанија предводена од Социјалистичката партија на Еди Рама, засега има освоено 83 мандати, или вкупно 70 отсто од пребројаните гласачки места во 12 изборни региони.
Коалицијата за вработување, благосостојба и интеграции предводена од Демократската партија на Сали Бериша освои 52 мандати.
Мандати освоија и две од партиите кои се надвор од коалициите, Нов демократски дух на поранешниот претседател Бамир Топи, и партијата Црно Црвена Алијанса на Крешни Спахиу.
Од вкупно 12 изборни региони, левицата води во 11.
Според податоците на ДИК, Македонската Алијанса за европска интеграција, има добиено досега 1.167 гласови, што значи дека е тешко да се очекува дека Валентина Нестор која ја предводи листата на МАЕИ ќе собере над 3500 гласови колку што беа потребни.