По повод Меѓународната недела на образованието, Амбасадата на САД утре ќе организира Саем на универзитети во Националната универзитетска библиотека во Скопје.
На Саемот ќе бидат претставени 19 американски универзитети, за кои ќе зборуваат алумни од Амбасадата на САД, како и советниците за образование во САД при Американските катчиња на Амбасадата.
Тие ќе бидат таму да споделат совети со заинтересираните студенти како да аплицираат на американските универзитети. Саемот претставува можност за студентите да се запознаат со некои од единствените американски универзитети и за образовните програми што таму се нудат, соопштија од Амбасадата на САД.