Претседателот Џо Бајден денеска ја одбележа 49-годишнината од сообраќајната несреќа во која загинаа неговата прва сопруга и ќерката, со тоа што ги посети нивните гробови во црквата „Свети Јосиф“ во Римокатоличката црква во Брендивин, Вилмингтон.
Нивната смрт се случи веднаш откако гласачите во Делавер го избраа Бајден за Сенатот во 1972 година, и можеби затоа, као што пишуваат познавачите на Бајден, фаталната сообраќајна несреќа стана одлучувачки момент што ја обликуваше неговата личност и кариера.
Неговите синови Бо и Хантер, кои имаа нешто помалку од 4 и од 3 години во тоа време, беа сериозно повредени, но ја преживеаја несреќата. Неговата сопруга Неилија и 13-месечната ќерка Наоми загинаа со нивниот автомобил додека оделе да ја земат новогодишната елка.
Трагедијата го прогонуваше на почетокот на неговата кариера во Сенатот а беше камен-темелник на неговото претседателствување, при што Бајден неодамна го отвори говорот во Минесота, забележувајќи како двајца од поранешните сенатори на таа држава, му помогнале да се справи со целата таа ситуација.
Пет години по несреќата, во 1977 година, Бајден се оженил со Џил Џејкобс и кон семејството го приклучиле заедничкото дете, ќерката Ешли. Ешли и синот Хантер денеска беа со татко си на чинот на сеќавање на страшната сообраќајна несреќа. Другиот син на Бајден, Бо почина од рак на мозокот во 2015 година.