Анализа: Македонија во ќор сокак
Во 2005 Македонија како кандидат беше речиси на исто ниво со Хрватска, денска земја членка на ЕУ. Србија беше далеку зад нив. Белград тогаш немаше потпишано ни Договор за стабилизација и асоцијација. Сега Белград најверојатно во јануари ќе започне преговори за членство а Македонија не е ни на дневен ред. Кој е крив? прашува анализата во гермаскиот дневик Ноје Цирхер цајтунг.
Во одговорот понатму се вели: За премиерот Никола Груевски кој е на чело на владата од 2006 одговорот е јасен. Крива за застојот на неговата земја е Грција која секој интеграциски чекор на Македонија го доведе во зависнот од тоа дали Македонија ќе се откаже од своето име и во иднина ќе се нарекува Горна или Вардарска Македонија.
На второ место според Груесвки вината е во влијателните земји членки на ЕУ кои не вршат доволно притисок врз Грција, се вели во анализата на овој германски дневен весник која ја пренесува Дојче веле.
Критиката на македонскиот премиер е оправдана но не во целост. За внатрешно полтичката стагнација на државата не се криви ни Брисел ни Атина туку неговата влада. Некои набљудувачи го критикуваат се поавторитарниот стил на владеење на национално конзервативната ВМРО ДПМНЕ но и нивниот етнички албански партнер ДУИ.
Веќе 7 години опозицијата губи на сите избори. Колку што беше пасивна владата во реформата на државата и админстрацијата, кога беше во прашање политичкиот идентитет таа беше многу активна. Големи суми на пари се потрошија во изградбата на центарот на Скопје со цел да се докаже дека Македонците се горди потомци на Александар Македонски. Ако не и припаѓаат на ЕУ и ако се сиромашни сметаат дека нивниот идентитет никој не може да им го одземе. Останува нејасно како таа земја ќе најде излез од ќор сокакот во кој е западната, заклучува анализата на Ноје Цирхер цајтунг.