Добитничка на наградата „Астрид Линдгрен“ за најдобра писателка за деца, за 2013 е Исол, аргентинската илустраторка, графички уметница, писателка, композитор и пејачка
Родена е 1972 година и живее во Аргентина. Според зборовите на жирито за оваа престижна награда, Исол создава свет, погледнат преку детските очи. Нејзините сликовници треперат од енергија и полни се со емоции, а нејзиниот допринос кон илустрацијата за деца е иновативен, хумористичен и ги поместува границите на класичната илустрација за деца.
Самата Исол има напишано околу 10-тина авторски сликовници, а соработува и со аргентински писатели, чии дела ги збогатува со свои илустрации. Нејзината работа досега е обајвена во 20-тина држави.
Наградата АЛМА Astrid Lindgren Memorial Award – ALMA , ќе и биде врачена на церемонијата која ќе се одржи на 27 мај, во Стокхолм.
„Astrid Lindgren Memorial Award – ALMA“, создадена е во 2002 година, после смртта на познатата писателка за деца. Оваа меѓународна награда е финансирана од шведската влада, а ја предводи „Swedish Arts Counci“.
Наградата се доделува секоја година на еден жив писател, илустратор или промотор на литература за деца, а вкупниот износ на наградата е 5 милиони шведски круни