Балетското студио Арт Балет под раководство на балетскиот педагог и кореограф Тамара Ѓурчиновска изминатиов викенд (недела ) на меѓународниот натпрева Македонија Опен 2014 кој се одржа во спортската сала Борис Трајковски во Скопје беше едно од најуспешните и нај трофејните студија на натпреварот во кој учествуваа преку 2000 учесници.
Арт Балет со многу работа, труд и месечни подготовки се подготви да учествува со 16 кореографии во различни категории и танцови стилови како класичен балет, модерен балет и етно балет. На натпреварот Арт Балет се закити со 10 први места, 4 втори места и 2 трети места, овој постигнат успех е доказ за професионалноста и долгогодишната работа на ова балетско студио кое веќе се спрема за престојните меѓународни натпревари и надвор од нашата држава.
Арт Балет се подготвува во месец мај да замине на натпревар во Р.Бугарија во градот Пловдив каде ќе сепретстави со 3 танцови стила и веднаш потоа балрините од Арт Балет заминуваат на 7 мај во Италија во градот Наполи на еден од најголемите и најпознатите балетски натпревари Таленти каде исто так ќе се претстави во повечќе танцови стилови и категории.
Арт Балет веќе неколку години е претставник на детскиот балет надвор од нашата држава и има постигнато големи успеси на престижни фестивали и натпревари. Малите балетски амбасадори секогаш го даваат најдоброто од себе за да ја претстават достојно нашата држава и го покажуваат својот голем талент на Европската балетска сцена.