Раководството на Формула 1 тимот Астон Мартин планира да поднесе жалба за суспензијата на Себастијан Фетел, кој го загуби второто место на трката на ГН на Унгарија.
Астон Мартин ја извести ФИА за намерата да поднесе жалба. По известувањето, тимот има 96 часа за формално да ги потврди своите намери.
По завршувањето на вчерашната трка во Будимпешта, техничкиот делегат на ФИА, Џо Бауер, успеа да извлече само 0,3 литри гориво од резервоарот на болидот, додека според прописите, мора да се обезбеди најмалку еден литар бензин за контрола.
Според пресметките на надлежните во Астон Мартин, во болидот на Германецот би требало да има 1,44 литри гориво.