Author: Gabi Tocko

„Со Јужна Кореја градиме нова економска историја. При посетите таму разговаравме дека по пандемијата на ковид, може да се направи доближување на вредносните ланци. Корејските компании се присутни во Европа, но нивното производство е во Далечниот исток, што се покажа како проблематично во Ковид“, изјави вицепремиерот за економски прашања Фатмир Битиќи во „24 анализа“ на ТВ24.

Шефот на израелските безбедносни служби ја презеде одговорноста за терористичките напади на Хамас.

Премиерот Димитар Ковачевски објави на својот фејсбук-профил дека денеска во Тирана заедно со неговите колеги од Западен Балкан потпишале Договор за признавање на професионалните квалификации на медицинските сестри, ветеринарните хирурзи, акушерките и фармацевтите.

Грејната сезона во Скопје започнува утре и ќе трае до 15 април идната година, а цената за потрошената топлинска енергија засега останува иста. Нова одлука за цената ќе се носи откако ќе биде поставен цевководот на мостот Беласица.

Со чартер лет организиран и платен од страна на Владата на Република Северна Македонија, на релација Тел Авив – Скопје, успешно беа евакуирани сите државјани на Република Северна Македонија кои побарале помош да го напуштат Израел, и да се вратат во земјата.

Во рамки на официјалната посета на Северна Македонија, заменик министерот за надворешни работи на Украина, Јевген Перебијнис денеска лично му го врачи Орденот за заслуги од украинскиот претседател Володимир Зеленски на претседателот на ЦИВИЛ, Џабир Дерала.

Во рамки на турнејата низ земјите од Западен Балкан, заменик министерот за надворешни работи на Украина, Јевген Перебијнис денеска престојуваше во работна посета на Република Северна Македонија, каде што одржа средби со вицепремиерката задолжена за политики за добро владеење, Славица Грковска, министерката за одбрана, Славјанка Петровска и државниот секретар во МНР, Филип Тосевски.

„Ќе имаме најмалку десет нови работни позиции каде што ќе може граѓаните да ги менуваат личните документи во Скопје. Тоа ќе бидат пред се за луѓе кои нема да се пријавуваат и ќе можат директно да одат таму“, изјави министерот за внатрешни работи Оливер Спасовски во „360 степени“ на МТВ.

Генералниот секретар на ОН, Антонио Гутереш даде изјава во врска со конфликтот во Израел. Тој ги осуди нападите врз цивили и земање заложници и го повика Израел да дозволи хуманитарната помош да стигне до Газа.

Израел и формално му објави војна на Хамас.

На почетокот од последниот квартал на една од најтешките години за Европа во поновата историја, може да се констатира дека македонското претседавање со ОБСЕ ќе остане забележано како голем успех. Да се потсетиме, крајот од 2022 година, македонската кандидатура за претседавање со ОБСЕ едногласно ја прифатија сите 56 земји членки на една од најзначајните организации во светот. Според статутот на ОБСЕ, претседавач е министерот за надворешни работи, Бујар Османи, кој се наоѓа на чело и на бројните комплексни мисии и задачи што произлегуваат од овој статус на земјата.

Покажуваме на дело што значи патриотизам  и како се слави и вели ликот и делото на најзаслужните за нашиот убав македонски јазик и богато литературно творештво. За нив беше џуџе, ЏИНОТ ОД НЕБРЕГОВО, Блаже Конески. За нас е великан, исконска вредност и светост, истакна потпретседателката на СДСМ, Бисера Костадиновска-Стојчевска во своето обраќање на трибината од серијалот трибини на СДСМ „Разултати што прават разлика“, на тема „Култура за сите, култура над сѐ“.