Покажуваме на дело што значи патриотизам и како се слави и вели ликот и делото на најзаслужните за нашиот убав македонски јазик и богато литературно творештво. За нив беше џуџе, ЏИНОТ ОД НЕБРЕГОВО, Блаже Конески. За нас е великан, исконска вредност и светост, истакна потпретседателката на СДСМ, Бисера Костадиновска-Стојчевска во своето обраќање на трибината од серијалот трибини на СДСМ „Разултати што прават разлика“, на тема „Култура за сите, култура над сѐ“.
Таа додаде дека СДСМ го вратил угледот и изгледот на многу културни објекти низ државата. Со доделените капитални дотации во девет помали општини отвориле нови можности за уметниците, за локалниот туризам, економски раст и нови работни места.
Активни се градежни активности во неколку Национални установи, со кои ги подобруваме условите за работа и даваме амбиент за создавање на културно творештво, слика на нашиот културен идентитет. Формиравме и нови национални установи кои ќе сведочат за борбеноста и храброста на македонскиот народ и ќе бидат центри на македонската историја и државност. Ова е вистинска грижа и почит кон нашиот културен идентитет, историја и нашата посебност, потенцираше Костадиновска-Стојчевска.
„Го чуваме Охридскиот Регион на листата на Светско културно и природно наследство со исклучителна универзална вредност и овој негов престижен статус на УНЕСКО“, рече Костадиновска-Стојчевска.
Според неа, културата сега е достапна на сите и докажуваме дека и помалите градови има што да понудат, со поддршка на културни програми кои ги промовираат традицијата на сите етникуми, препознавајќи го разновидниот културен мозаик којшто ја дефинира македонската држава“.