Author: Ivana

 Бугарија нема да го промени ставот за Северна Македонија до крајот на годината и нема да ја одобри преговарачка рамка за земјата со ЕУ, соопшти прес-службата на преодната влада на Бугарија. Како што јави дописникот на МИА, Владата го одобри ставот на Бугарија да учествува на состанокот на Советот за општи работи на 14 декември. Бугарија ќе се придржува до Декларацијата на Националното собрание од 10 октомври 2019 година во врска со проширувањето на ЕУ и Процесот за стабилизација и асоцијација на Република Северна Македонија и Република Албанија, како и до Рамковниот став за европската перспектива на Република Северна Македонија…

Во голема полициска акција денеска во Скопје, приведени се повеќе лица, а запленети се и околу 200 килограми марихуана. Од МВР ја потврдуваат акцијата, која се уште трае, а повеќе детали најавуваат за утре

Управниот суд ја отфрли тужбата на компанијата „Еуромакс ресурцес“ и ја потврди одлуката на Владата да им се одземе концесијата Иловица 6 за рудникот за бакар и злато „Иловица-Штука“. Судот одлучувал во октомври, откако претходно Вишиот управен суд ја врати постапката назад. Управниот суд тужбата на канадската компанија ја отфрлил како неоснована, по што „Еуромакс“ во ноември поднела нова жалба до Вишиот управен суд. „Тужбата на тужителот „Еуромакс ресурцес“ е поднесена против Одлуката на Влада од 16.12.2019 година, а по истата донесена е Пресуда од Управниот суд на ден 5 октомври годинава, со која тужбата на тужителот се одбива како…

На братскиот македонски народ му го честитаме државниот празник – денот на Свети Климент Охридски, големиот просветител, првиот словенски епископ, еден од основоположниците на кирилското писмо кое ги поврзува современите руски и македонски јазици, напишаа на твитер од руската амбасада во земјава. На тоа реагираше професор Пламен Павлов, еден од најголемите познавачи на бугарската и балканската средновековна историја, реагирајќи на честитката на амбасадата на руската федерација во Скопје. – За жал, имаме уште една руска провокација, која има за цел да забие клин меѓу Бугарија и Северна Македонија и да ја искриви вистината до крајно невозможен степен, изјави за „Бгнес“…

Премиерот Зоран Заев на неговиот твитер налог упати честитка до новиот канцелар на Германија Олаф Шолц по повод стапувањето на функцијата. -Искрени честитки до новиот германски канцелар, социјалдемократот Олаф Шолц. Во изминативе години ја продлабочивме соработката со Германија како наш искрен пријател и стратешки партнер. Верувам партнерството помеѓу Германија и Северна Македонија ќе се интензивира и надгради, стои во објавата на твитер на премиерот Заев. Олаф Шолц од Социјалдемократите е именуван за деветти канцелар на Германија на кратка церемонија во претседателската палата во Берлин. Тој денеска ја доби поддршката од германскиот Парламент за да ја наследи Ангела Меркел на функцијата…

Европа бележи пад на бројот на болни и новозаразени со коронавирусот, соопшти денеска Светската здравствена организација за европскиот регион. Здравствената агенција на Обединетите нации соопшти и дека податоците на Европскиот центар за контрола и превенција на болести покажале дека во 18 земји од Европската унија се регистрирани 212 случаи на Омикрон, и тоа претежно благи и асимптоматски случаи. Сепак, СЗО предупреди дека се верува оти Омикрон ќе продолжи да се шири, бидејќи пристигнуваат нови податоци за размерите на сојот. Во претходните седум дена, бројот на нови случаи во Европа се намали за два отсто (2,6 милиони случаи), додека три отсто помалку пациенти починале во споредба со претходната недела…

Швајцарскиот Парламент денеска го избра министерот за надворешни работи Игнасио Касис за следен претседател на земјата кој ќе ја преземе функцијата на 1 јануари. Касис ќе ја преземе функцијата од сегашниот претседател Ги Пармелин, Во Швајцарија ротирачката функција на претседател по една година ја извршува еден од членовите на Федералниот совет, седумчлената швајцарска Влада. Касис е првиот швајцарски претседател во овој век кој доаѓа од регионот Тичино каде што се зборува италијански. Касис дипломирал медицина и работел како интернист, а течно зборува германски, француски и италијански, трите главни јазици во Швајцарија. За време на Пармелин, кој беше домаќин на јунскиот американско-руски самит, швајцарската Влада…

Билатералната соработка, енергетиката, туризмот, инвестициите, климатските промени, пандемијата, односите на Русија со ЕУ и НАТО, Балканот, Источниот Медитеран, кипарското прашање, биле дел од темите за кои разговарале рускиот претседател Владимир Путин и грчкиот премиер Кирјакос Мицотакис на нивната средба во Сочи, јави дописничката на МИА од Атина. -Нашите односи традиционално се градат во духот на добрососедството, покриваат широк спектар на области на соработка и имаат взаемно корисен карактер на еден партнерски однос. Токму ова беше духот на денешните разговорите со Мицотакис. Беа сеопфатни и ефикасни, истакна Путин. Рече дека и покрај тешкотиите што ги создаде пандемијата, трговијата меѓу двете земји…

По прв пат Општата болница во Струмица добива апарат за магнетна резонанца, објави на својот фејсбук профил министерот за здравство Венко Филипче. – И во услови на пандемија продолжуваат инвестициите во здравството, напиша Филипче на фејсбук статусот.

Министерството за здравство информира, согласно податоците од Институтот за јавно здравје дека во последните 24 часа: Направени се 3.285 тестирања, а регистрирани се 419 нови случаи на КОВИД-19: Скопје – 188, Прилеп и Кавадарци – по 35, Охрид – 28, Битола – 27, Струмица – 18, Штип – 14, Куманово – 9, Велес и Радовиш – по 8, Ресен – 6, Кичево, Кочани и Берово – по 5, Тетово, Неготино и Делчево – по 4, Валандово – 3, Гостивар, Гевгелија, Пробиштип и Кратово – по 2, Струга, Свети Николе, Демир Хисар, Крушево и Демир Капија – по 1. Регистрирани сe…

Инвестиции за вештачки снег, но и за целосна продажба, партнерство и други видови на соработка се уште се разгледуваат од државните институции за тоа дали Попова Шапка ќе се раководи и од приватни странски компании. Според министерот за економија Крешник Бектешти за ски-центарот освен за јавно приватно партнерство, како и за целосна приватизација има и друг вид понуди. – Комисијата која е формирана за развој на Попова Шапка е во функција и редовно има состаноци и токму овие проекти, овие инвестиции што веќе ги презентира директорот произлегуваат во склоп на дискусиите, предлозите, идеите што се даваат во таа комисија, а секако дека и внатре…

Корупцијата е најголем проблем за граѓаните кои не се оптимисти дека таа ќе се намали и во иднина. Според граѓаните, судиите, министрите, пратениците, градоначалниците и обвинителите се најкорупирани, покажува истражувањето за проценка на корупцијата спроведено од Македонскиот центар за меѓународна соработка (МЦМС). Вкупно 80 проценти од анкетираните сметаат дека желбата за брзо богатење на оние кои се на власт влијае на широката распространетост на корупцијата, а значен фактор е и недостатокот на строга административна контрола на корупцијата, неспроведувањето на законите и недоволната заштита на лицата кои пријавуваат корупција. – Иако околу една третина од граѓаните (33,7 проценти) биле изложени на коруптивен…