Author: Marija Todorovska

Министерството за внатрешни работи информира дека од 15 до 17 часот, во Скопје ќе има посебен режим на сообраќај.

Од денеска почнува грејната сезона за потрошувачите приклучени на системот за централно греење во градот Скопје што ќе трае до 15 април 2025 година, со можност за продолжување уште 15 дена во зависност од надворешните температури.

Тирана: Албанија денеска го отвора првиот т.н кластер на преговори за пристапување во ЕУ.

И покрај целта поставена од ЕУ во 2015 година, сите водни површини да бидат оценети како вода со добар квалитет, само околу една третина од површинските води во Европа се во добра состојба, се вели во извештајот на Европската агенција за животна средина (ЕЕА).

Со специјални музички миксови достапни за сите и со повеќе настани ќе биде одбележан 15 октомври, роденденот на еден од најпознатите македонски автори и продуценти на електронска музика Мирко Попов (1972-2024). Тој беше и издавач на македонска музика, диџеј, радио водител и уредник, иницијатор и организатор на бројни музички фестивали, програми и културни акции.

Сараево: Ученик од средно училиште во Сараево е приведен под сомнение дека десетици пати лажно пријавил за поставени бомби во училишта.

Бродот „Либра“ на италијанската морнарица отпловил од Лампедуза и плови кон Албанија за да ја донесе првата група имигранти во прифатниот центар во пристанишниот град Шенѓин, по што ќе бидат сместени во кампот во Ѓадр.

Шефот на агенцијата на Обединетите нации за палестински бегалци (УНРВА), Филипе Лазарини, денеска изјави дека централна Газа поминала низ „ноќ на ужасот“ откако биле нападнати болницата Ал Акса и училиштето на УНРВА.

Стокхолм: Нобеловата награда за економија годинава ја добиваат тројцата истражувачи Дарон Ацемоглу, Сајмон Џонсон и Џејмс Робинсон за истражување за разбирањето на разликите во влијанието на просперитетот меѓу народите.

Неодамна заврши истражувањето на археолошкиот локалитет Влахо во Пелагонија. Центарот за истражување на предисторијата известува дека на овогодинешното истражување се вршеше сондажно ископување во задниот дел на неолитската населба со цел да се направи увид во културните слоеви на овој простор. Се констатирало дека тие се напластени во длабочина поголема од 2 метри и се доста подлабоки од оние детектирани во сондите во источниот и јужниот дел, што укажува на особено интензивен живот во оваа населба во текот на раниот неолит.

Претставници на Европската банка за обнова  развој (ЕБОР) од денеска до петок ќе престојуваат во посета на земјава каде ќе остварат средби со претставници на власта, граѓанските здруженија и бизнис секторот.