Author: Zoran Ivanov

По убиството на судијата во Албанија, кого еден обвинет вчера го застрела во срце во судница, со реакција излезе македонското Здружение на судии, кое апелира на влијателни поединци и структури да се воздржат од неодмерени изјави зашто создаваат атмосфера на недоверба и притисок.

Американскиот претседател Доналд Трамп синоќа изјави дека „донел одлука“ за продажба на ракети „Томахавк“ со долг дострел на земјите-членки на НАТО, со цел дел од нив потоа да бидат испорачани во Украина.

Центар на овие избори повторно е повикан да застане на нозе и да испрати силна порака до Мицкоски и неговата банда на власт. Центар на овие избори прв ќе се разбуди и ќе му порача на ова лажно, арогантно и своеволно владеење на Мицкоски дека е доста, порача лидерот на СДСМ д-р Филипче на граѓанската трибина во Центар.

Атина: Шведската активистка Грета Тунберг синоќа пристигна во Грција каде толпа луѓе ја пречекаа со овации откако таа, заедно со стотици други активисти, беше приведена од Израел на отворено море и депортирана поради обид за доставување хуманитарна помош во Газа.

„Франција ќе биде отсутна токму кога Русија врши притисок врз европските граници, Кина го зголемува индустрискиот притисок, а Америка на Трамп се однесува непредвидливо. Во овие услови, Франција не може да го обезбеди она што е способна да го даде“, изјави француски функционер од кабинетот на министерот во оставка.

Претставувањето на кандидатите за градоначалници и советници во рамки на кампањата за локалните избори 2025 продолжува и денеска, а во фокусот на митинзите се обраќањата на лидерите на најголемите партии.

Астрит Калаја, судија во Апелацискиот суд во Тирана, е убиен денеска во судница со неколку истрели од огнено оружје. Убиството се случи попладнево, околу 15:40 часот, додека изрекувал пресуда во имотно-правен спор. Нему во срце му пукал 30-годишниот Елвис Шкамби, еден од учесниците во процесот, кој бил страна во спорот.

Со знаење, со искрена желба, со многу поддржувачи, со многу љубов и човечки однос, постигнавме многу, за да денес со чист образ и нова Програма, ја бараме поддршката за Центар што го сакаме!. Ова вечерва го порача кандидатот за градоначалник на Општина Центар од редовите на СДСМ Горан Герасимовски, се наведува во соопштението на СДСМ.

Кандидатот за градоначалник на Општина Чаир, Бујар Османи, вечерва во своето обраќање ја нагласи историската важност на 19 октомври, нарекувајќи го „ден на политичка трансформација“ и пресвртница што ќе ја определи иднината на општината, државата и нацијата, се наведува во соопштението кандидатот за градоначалник на Чаир кое МИА го пренесува интегрално.

Започнувајќи од утре, граѓаните и компаниите ќе можат да ги извршуваат плаќањата во евра со земјите од Единствената област за плаќања во евра (СЕПА) побрзо и поевтино. Историскиот чекор којшто се направи кога Европскиот совет за плаќањата го прифати барањето на нашата земја за приклучување кон СЕПА им овозможи на домашните банки да се интегрираат во европските платежни шеми во кои учествуваат давателите на платежни услуги од уште 40 земји, информираат од Народната банка (НБ).

Филипче: Ја одбиваат Резолуцијата, а до збор истите барања ги имаат во програмата, лицемерието нема крај.

Претседателот на Украина, Володимир Зеленски, денес изјави дека Украина успешно ги користела ракетите „Нептун“ и дека ќе дојде време кога редовно ќе ги користи своите балистички ракети.