Една од најактуелните американски поп-рок групи – „One Republic“ на 1. јуни ќе одржи голем концерт во „Метрополис арена“ во Скопје, во организација на „Авалон продукција“.
Поп-рок бендот годинава низ целиот свет ги освои сите светските топ листи со третиот албум „Native World“ и сингловите „Counting stars“, „If I Lose Myself“, „I Lived“, а во Скопје доаѓа во рамки на актуелната турнеја „Native World tour“ на која ќе настапат како хедлајнери на бројни светски фестивали.
– Тоа што му дава навистина сензационална нота на овој концерт во Скопје е фактот што не само што доаѓа бенд со продадени повеќе од 5 милиони примероци од своите албуми како и повеќе од 9 милиони синглови, туку за првпат во Македонија доаѓа бенд кој што промовира актуелен албум кој бил на врвовите на светските топ листи од обете страни на Aтлантикот и во Америка и во Европа како што е случајот со албумот „Native World“, што досега се нема случено со ниту едно гостување на некој од артистите во нашава земја – стои во соопштението на „Авалон продукција“.
Кога е пак во прашање вртењето по радио станиците и телевизиите насекаде низ светот па и во Македонија со актуелните синглови како што се „Apologize“, „Counting stars“, „If I Lose Myself“, „I Lived“, тука е јасно дека One Republic се дефинитивно најактуелениот поп – рок бенд во светот во моментов.
Групата во моментов е на актуелна европска турнеја на која најблиску во регионов доаѓа во Словенија на 16 ноември во Арена Стожице – концертот е распродаден две недели пред одржување со неверојатни 16.000 продадени билети.
За концертот кој ќе се одржи на 1 јуни во „Метрополис Арена“, билетите ќе бидат пуштени во продажба на 24 ноември.