Авалон информира дека успеале во својата намера, и Morrissey доаѓа во Скопје.
Од Авалон соопштуваат дека „едноставно, британски и џентлментски Morrissey на 10ти декември 2014 во Белград на Бобан Милошески му ветил и го оддржал својот збор дека сака да настапи во Македонија“.
Morrissey, како фронтмен на легендарните „The Smits“ сними 4 култни албуми кои денес се вклучени во сите можни музички енциклопедии, а има и 10 албуми во својата соло кариера.
„World Peace Is None of Your Business” – последниот студиски албум на Morrissey, предизвика толку голем интерес во светски рамки што еден од највлијателните музички магазини “New Musical Express” објави специјален број посветен единствено за Morrissey, каде помеѓу другото го прогласи за артист кој има најдобра и најдостоинствена кариера од сите артисти кои претходно имале бенд.
Додека магазинот “Music Week”во неделата на објава на албумот, го смени своето име во “Morrissey Week”.
Концертот ќе се случи на 16.октомври во СРЦ Кале, а влезниците ќе бидат пуштени во продажба во среда во 09.00 преку продажната мрежа на Купи Карти За Се како и онлајн на www.kupikartizase.com.
Од Авалов дополнуваат:
П.С. – Бевме замолени да ја повлечеме најавата од пред десет дена и да ја стопираме до денес заради тоа што сеуште не беа потврдени сите концерти кои покрај скопскиот ќе бидат одржани во овој дел од Европа, а тоа се: Будимпешта, Букурешт и Љубљана.