Двајцата кандидати на претседателските избори во Авганистан се согласија на ревизија, во обид да го решат спорот околу резултатите од гласањето минатиот месец, изјави американскиот државен секретар Џон Кери, јавува Би-Би-Си.
Говорејќи заедно со кандидатите Ашраф Гани и Абдула Абдула, г-дин Кери изјави дека и двајцата ќе се придржуваат кон резултатите, после оваа ревизија.
Пребројувањето на сите 8 милиони гласачки ливчиња ќе започне во рок од 24 часа, рече тој.
Прелиминарните резултати покажаадека г-дин Гани победи, но и двајцата кандидати го обвинуваат другиот за изборна измама.
Резултатите објавени од страна на официјални претставници на изборите во Авганистан покажаа за г-дин Гани 56,44% од гласовите на изборите на вториот круг во јуни 14 г, додека г-дин Абдула стекнал 43,45%.
Резултатите беа значително различни од оние постигнати во првиот круг од гласањето, што се одржа во април, кога г-дин Гани дојде на второ место.
Авганистанскиот актуелниот претседател Хамид Карзаи, кој дојде на власт по соборувањето на Талибанците предводено од САД, се повлекува по повеќе од 10 години.
Американски официјални лица се надеваат на напредок во сабота, откако на првиот ден од преговорите останаа неубедливи.