Авионот со полскиот претседател Анджеј Дуда принудно слетал, јави полската владина новинска агенција ПАП. Дуда требаше да отпатува од Варшава до Жешов за да се сретне со американскиот претседател Џо Бајден. „Имаше итно слетување на авионот со претседателот Дуда, авионот се врати во Варшава“, според ПАП.
Официјален претставник на Белата куќа исто така го потврди итното слетување.
Како резултат на инцидентот Бајден го сменил својот распоред, прво е состанокот со членовите на 82-та воздушно-десантна дивизија, а потоа ќе учествува на хуманитарни настани во Полска. Ќе учествува и Дуда доколку пристигне навреме.