Кевин Руд беше инаугуриран како премиер на Австралија, еден ден откако тој ја собори Јулија Гилард како лидер на Лабуристичката партија.
Руд зеде заклетва во Владата, пред Генералниот гувернер Квентин Брус, како што јавува Би-Би-Си.
Тој потоа се обрати пред Парламентот накратко, оддавајќи и почит на г-ѓа Гилард, која се повлекува од политиката.
Промената на раководството доаѓа во пресрет на изборите закажани за 14 септември, додека анкетите покажуваат дека Лабуристите ќе изгубат.
Лидерот на опозицијата Тони Абот го повика Руд да разјасни дали изборите ќе се одржат:
“Јас му честитам на премиерот за неговото враќање во висока функција”, рече тој. “Нека ја крене таа канцеларија … Преку кажување на австралиските луѓе, кога тие ќе добијат шанса да одлучат кој треба да биде премиер на оваа земја и кој треба да формира влада на оваа земја?”
Руд се врати да ја води Владата на Австралија три години и три дена откако беше соборен во сличен натпревар на Гилард, тогаш неговиот заменик.
Тој обезбеди 57 гласа наспроти 45 за г-ѓа Гилард на изборите во средата, што следеше по неколку месеци шпекулации и горчливо заткулисни пресметки околу тоа кој треба да ги поведе Лабуристите во претстојните избори.
Анкетите за јавното мислење сугерираа дека Лабуристите ќе доживеат пораз. Но Руд е повеќе популарен кај гласачите од г-ѓа Гилард и многумина веруваат дека партијата ќе се претстави подобро под неговото лидерство.