Според истражувањето на Организацијата за економска соработка и развој (ОЕЦД), Австралија е најсреќната земја меѓу развиените економии и тоа веќе трета година по ред.
Во извештајот на ОЕЦД, под името „Better Life Index“ рангирани се повеќе од 30 земји, според критериумите како што е големината на станбениот простор по лице, долготрајната невработеност, образованието, загадувањето, приходите на домаќинствата, просечниот животен век, општото задоволство, сигурноста, задолженоста на жителите, времето поминато на работа….
Повеќе од 73 проценти од жителите на Австралија на возраст од 15 до 64 години имаат платена работа, која е над просекот од 66 проценти на ОЕЦД.
Освен тоа, просечниот животен век во Австралија е речиси 82 години
Шведска се наоѓа на второто место. Шведските домаќинства имаат повисоки приходи во споредба со просечните приходи на домаќинствата во 34-те земји на ранг-листата.
Повеќето шведски жители на возараст од 15 до 64 години добиваат плата за својата работа, при што луѓето во Шведска рабоатат помалку часови годишно, споредено со просекот.
Вкупно 85 отсто од шведските граѓани кои учествувале во испитувањето сметаат дека доживуваат повеќе позитивни отколку негативни нешта во текот на еден обичен ден, гледано од аспект на фактори какви што се болка, вознемиреност, тага и здодевност.
Другите земји кои што влегуваат во „Better Life Index“ се Канада, Норвешка, Швајцарија, САД, Данска, Холандија, Исланд и Велика Британија