Министерот за внатрешни работи на Австрија Волфганг Соботка вели дека побарал итни мерки за затворање на медитеранската рута, откако изминатите денови се појавија криумчари и десничарски групи кои напаѓаат невладини органзиации на Медитеранот.
Тој најави дека од идната недела ќе започнат засилени контроли на границите.
Соботка потсетува дека министерот за надворешни работи Себастијан Курц уште минатото лето укажал на потребата од европско решение преку пакет мерки.
-Покрај активностите на криумчарите со голем број мртви и нелегални минувачи на границата, ситуацијата се влоши и поради активностите на десничарите на Медитеранот. Политичките екстремисти кои ги напаѓаат невладините организации се јасен знак за тенденција на радикализација во Европа, истакнува австрискиот министер.
Соботка вели дека мора да се делува против таквиот развој на настаните и на европско ниво мора да се преземат мерки за нормализација на ситуацијата на Медитеранот, а рутата да се затвори.
-Ние како меѓународна заедница не смееме да им го препуштиме теронот на оние кои живеат во минатото. Покрај делотворната заштита на надворешната граница на ЕУ треба да се погрижиме и за јасна примена на законот за азил, вели Соботка.
Тој укажува дека изминатите денови, пред се покраината Тирол имало повеќе откриени нелегални мигранти во товарни возови.
Најави дека од следната недела ќе биде засилена граничната контрола.
-Рутите на криумчарите и облиците на нелегална миграција последниве недели се поместија и мора да реагираме на тоа, вели Соботка.