Ладни радијатори, студени домови. Скопјани цели три недели се смрзнувааво своите домови откако започна грејната сезона. Граѓаните се жалат дека од Фирмата “Балкан енерџи груп“ парно греење пуштат само повремено во утринските часови и навечер.
Тие се незадоволни, велат дека сметките за парно си ги плаќаат редовно, но и покрај тоа се смрзнуваат, а фирмата заштедува на нивна сметка. Стари, луѓе семејства со мали деца, вработени кои одвоја чекаат да се вратат дома по работното време, сите во изминатот период откако започна грејната сезона останаа без греење.
НОВА изминатите денови се обидуваше да добие одговор која е причината што радијаторите на скопјани се ладни во време на грејна сезона. Побаравме од фирмата “Блакан енерџи груп“ која од годинава ги снабдува граѓаните со топлинската енергија, да ни одговорат според кој член од законот не треба да се пушта греење кога надвор е сончево времето, иако е грејна сезона.
Се обратиме повеќе пати телефонски, но прашањата ги упативме и писмено како што бараа. Но, женскиот глас кој се јавуваше на нашите телефонски повици,постојано тврди дека директорите се на состанок, а кога ќе се ослободеле состаноците ќе ни одговореле.
НОВА неколку дена чекаше одговор, со што се потврди дека фирмата Балкан енерџи груп не почувствуваа за потребно да ги информира граѓаните кои редовни си ги плаќаат сметките, зошто нивните радијатори се ладни.
Еден граѓанин кој се обратил во телевизија Телма по неколку неуспешни јавувања добил одговор дека парно нема бидејќи надвор темпертурата е висока, а времето сончево.
-Кога и да се јавам во „БЕГ“ го добивма истиот одговор дека почитувајќи ги правилниците нема да се испорачува парно бидејќи надвор е некоја фаомозна температура од 12 целзиусови степени. Не можам да разберам зошто 2 степена се репер кога мојот стан е на петти спрат, на севрна страна и имам две мали деца“, изјави Јосип Гегај за Телма.
Случајот го пријавил во Организацијата за потрошувачи и кај јавниот правобранител, а во жалбата навел дека плаќа услуга која не ја добива, со што му се нарушува неговото потрошувачко право. Размислува и за судска тужба ако снабдувачот „Балкан енерџи груп“ продолжи со некоректниот однос.