Судот во Виена денеска осуди шест членови на меѓународната криминална банда наречена „Пинк Пантер“, сочинета од државјани на Србија, на вкупно 42,5 години затвор.
Шестте осудени Срби, на возраст меѓу 28 и 33 години, минатата година во Виена ограбиле три златарници и при тоа украле накит во вредност од 228.000 евра.
Осумничените Срби пред судот, ги признале сите дела, но тврделе дека не се члeнови на „Пинк Пантер“ мрежата.
Никола К, кој директно учествувал во сите три грабежи, изјавил дека e шеф на бандата што ја сочинувале само осомничените.
Никола, на 13 јули, заедно со еден земјак, ја ограбил златарницата „Бодрум“ во 21-от округ. Притоа однел злато во вредност од 89.600 евра. Само месец подоцна, на 18 август, недалеку од оваа златарница тој ограбил уште една, при што бил возач на автомобилот за бегство. Во овој грабеж учествувале уште три лица, кои однеле накит во вредност од 55.500 евра.
Последниот грабеж, бил кобен за бандата, бидејќи полицијата им влегла во трага и чекала момент за апсење.