„Батлерот“, драмата на Ли Дениелс инспирирана од приказната на Афроамериканецот коj служел во Белата куќа за дури осум различни претседатели, се искачи на врвот во кино салите во Северна Америка.
Филмот во кој главната улога ја игра оскаровецот Форест Витакер, заработи околу 25 милиони долари во САД и Канада во периодот помеѓу петок и недела.
„Не очекувавме ваков резултат“, изјави портпаролот на издавачката куќа.
Според компанијата „Вајнстајн“, инволвирањето на Опра Винфри во филмот е можеби најзначајниот фактор за успехот на филмот.
„Нејзината популарност го помести филмот на следното скалило“.
На воодушевувањата од учеството на Винфри се надоврза и аналитичарот Пол Дергарабидиан, според кој „учеството на Опра Винфри секогаш гарантира хит“.
Ансамблот во „Батлерот“ го сочинуваат, Форест Витакер, Опра Винфри, Робин Вилијамс, Џон Кјузак, Куба Гудинг Џуниор, Теренс Хауард, Лени Кравиц, Мараја Кери и Џејн Фонда.