Русија доследно ќе го испочитува договорот со Македонија, во тек е испорака на договорените количини од вакцината „Спутник V“. До сега испорашани се 6.000 дози, а земјава има нарачано 200 илјади од овој производител, вели рускиот амбасадор во земјава Сергеј Баздникин.
– Договорот потпишан од страна на Рускиот фонд за директни инвестиции и македонското Министерство за здравство ќе биде испочитуван. Не може да каже кога точно вакцините од Русија ќе пристигнат во земјава, во моментов се работи за испораката на останатите договорени количини на препаратот, вели Бездникин.
Рускиот амбасадот нагласи дека вакцината „Спутник V” е апсолутно безбедна, нејзината ефикасност е над 90 отсто, додека е стопроцентна во спречување на компликации од коронавирусот.