Тримесечната Белмина Ибришевиќ, чиј плач ја разбуди Босна и Херцеговина, пристигна во болницата во Тубинген каде што ќе биде оперирана за пресадување коскена срж, јавува klix.ba.
Вчера во Германија тримесечното бебе отпатува со својата мајка со посебен лет од Сараево.
Според klix.ba нејзиното патување се должи на ангажманот на заменик-министерот за граѓански работи на БиХ во соработка со Федералниот фонд за здравствено осигурување, кое веќе неколку години спроведува програма преку која пациенти од БиХ одат на лекување во Тубинген.
Сите трошоци за патувањето на Белмина ќе ги сноси Меѓународниот аеродром Сараево.
На Белмина и е дијагностицирана тешка имунолошка болест, а во Германија би требало да биде подложена на трансплатација на коскена срцевина.
Случајот на малата Белмина, која не можеше да добие матичен број, а со тоа и пасош, беше поводот за кој граѓаните од Сараево и другите градови на БиХ „станаа на нозе“.
Протестите го поттикна Советот на министри да донесе привремена одлука за единствените матични броеви, по што семејството Ибришевиќ успеа да обезбеди патни исправии на тој начин отпатува за Германија.
