Почнувајќи од 7 до 20 април, сите угостителски објекти ќе имаат целосна забрана за гости/посетители, соопшти на својот фејсбук профил Министерот за економија Крешник Бектеши.
Тој информира дека целосна забрана да примаат гости ќе имаат и хотелите, мотели, хостели, пансиони и други објекти за сместување или на бензински станици кои имаат делови за служење храна.
Објектите кои вршат подготовка и продажба на храна може да продаваат преку онлајн или телефонска нарачка и да вршат достава на храна или доколку има можност за самостојно подигнување на нарачката надвор од угостителскиот објект, преку пулт, напиша ресорниот министер.
Во соопштението стои дека исклучок се рестораните во склоп на хотелите, мотелите, хостели и пансиони за оние лица кои се сместени како гости, како и угостителските објекти на Меѓународниот Аеродром Скопје и Аеродромот „Св. Апостол Павле“ во Охрид.
Министерството за економија секогаш е за поддршка на секторот, но очекува разбирање и соработка се со цел надминување на оваа ситуација, додава Бектеши.
Тој ги повика сите угостителски објекти да не прават дополнителни залихи денеска и во текот на утрешниот ден, со цел да се избегнат поголеми загуби од воведените рестрикции за работа.