Белгиското обвинителство го разгледува можното руско мешање во претстојните избори за Европскиот парламент по наодите што ги добиле од разузнавачките служби, изјави денеска премиерот Александар Де Кро, пренесува Ројтерс.
Тој рече дека истражителите откриле дека руските групи се мешаат во европските избори за да ги истуркаат проруските кандидати и на тој начин да ја ослабат европската поддршка за Украина против руската инвазија.
„Целта е да се изберат што е можно повеќе проруски кандидати за Европскиот парламент и со тоа да се зајакне проруската реторика во таа институција. Слабеењето на европската поддршка за Украина и служи на Русија на бојното поле“, истакна Де Кро.
Де Кро посочи дека истрагата била покрената откако чешките власти откриле дека руски агенти, активни во Брисел, се обидувале да стекнат влијание и да им платат на пратеници за да промовираат проруска агенда.
Западните земји ги обвинуваат руските оперативци дека користат социјални медиуми и интернет за да шират лажни или погрешни информации за да ги поткопаат, да ја промовираат Русија или да се обидат да го поколебаат јавното мислење во очи на предизборната кампања.
М. П.