Групата студенти кои упаднаа и преноќија во зградата на Ректоратот при Универзитетот во Белград, барајќи бесплатно образование, веќе го напуштиле објектот.
Откако студентите во Белград го окупираа Ректоратот, ги изнеле своите барања против зголемувањето на школарината, укинувањето на испитниот рок, како и зголемување на државната квота, а потоа ја напуштиле зградата.
Сепак, тие најавиле продолжување на протестот на 23 мај.
Студентите не очекуваат исполнување на сите барања, но како што пренесуваат српските медиуми, за почеток доволно им е прифаќање на трите наведени.
Тие наведуваат дека никој од деканите на Ректоратот или Министерството не се изјавил по барањата, а на протестниот марш за 23 мај ги повикале сите студенти и граѓани да им се придружат со што би го насочиле вниманието врз „лошата состојба во образованието и потребата од промени“.
Во изјава за Танјуг, проректорот на Универзитетот во Белград, Миодраг Поповиќ, вели дека протестите поминале без инциденти.
„Имаат доста нејасни барања, а едно од нив е бесплатно образование“, изјавил Поповиќ.