Во Македонија нема беснило покажале резултатите од лабораторијата во Франција кои стигнале доцна синоќа. Во четврток или петок се очекува да стигне и конечниот извештај кој само официјално ќе го потврди резултатот. Ова го соопшти Дејан Рунтевски директор на Агенцијата за храна и ветринарство на денешниот брифинг со новинари за кој не беше известена НОВА.
Во текот на вчерашниот ден се обидовме да добиеме повеќе информации за тоа што покажаа резултатите од испитувањата и дали Агенцијата превзема мерки за заштита од беснилото за кое официјално соопштија дека е присутно во државата. Директорот Рунтевски само крако изјави дека сеуште ги чекаат резултатите од лабораторијата во Франција. На прашање на НОВА што покажаа домашните повторени резултати од испитувањето и дали кај мачката е пронајдено беснило директорот одговори:
-Резулатите се така-така кратко коментираше Рунтевски.
Од друга страна НОВА неофицијално од извори на Факулетот за ветеринарна медицина дознава дека повторените домашни резултати покажале дека мачката која го касна човекот во населбата Радишани воопшто немала беснило. Негативни биле и резултатите од другите две мачки за кои надлежните се сомневаа дека имаат беснило.
Мачката најверојатно човекот го каснала бидејќи била беспомошна и уплашена поради тоа што била прегазена од возило кога тој сакал да и помогне, се сега претпоставките кои кружат во ветеринарните кругови.
Зошто, Агенцијата за храна и ветеринарство заедно со Министерството за здравство уште пред да ги добијат конечните резултати јавно соопштија дека во државата е откриено беснило јавно соопштија дека во државата е откриено беснило меѓу животните со што направија и паника меѓу граѓаните засега е непознаница.
Во меѓувреме, од Здруженијата за спас на животните велат дека во Вардариште се случува чистка на кучињата зад затворени врати. Од Здружението за вдомување на животни „Спас за животните“ на социјалните мрежи коментираат дека биле грубо вратени од Вардариште кога се обиделе да видат во каква состојба се кучињата и како се третирани таму.
-На вратата на лист тоалетна хартија пишува дека е забранета посета и вдомување поради беснило, а на листот нема ниту потпис ниту печат пишуваат од Здружението.
Од таму апелираат до граѓаните доколку се во можност да згрижат по некое мало кученце додека трае, како што велат„хајката во градот“.
Не се знае зошто од Агенцијата, денеска кога ги знаат официјалните резултати не им даваат нови инструкции во Вардариште за уличните кучиња.
-Несериозниот однос на надлежните институции со една многу сериозна проблематика како што е беснилото може да има далекусежни последици коментираат добро упатени извори во оваа проблематика.
Пред се тука е информирањето на јавноста, за кое најверојатно повторно ќе бидат обвинети новинарите.