Максим Димовски има четири и пол години и ретко заболување, „Шимке имуно-дисплазија“ од кое боледуваат само пет деца во светот. Болеста која ги напаѓа бурезите и коските кај Максим е откриена кога имал три години. Во мај годинава на малиот Максим му откажале бубрезите.
Според препоракатите на лекарите од Белград, Максим мора да отпатува на лекување Германија, земја каде што е откриена оваа болест и каде имаат најголемо искуство во лекувањето. Освен комплетните испитувања кај него мора да се направи трасплантација на матичните клетки, како би се замениле ТЕ-клетките за да се зголеми имунитетот, по што треба да се изврши трансплантација на бубрег.
На Универзитетската клиника во Германија треба да останат најмалку шест месеци, а лекувањето може да чини и до 300 000 евра, вклучувајќи ја трансплатацијата на бубрег и коскена срцевина.
Семејството Димовски ги чека долг пат за добивање на битката со болеста на Максим. Процедурите за одобрување на финасиски средства од Фондот за здравство сеуште не се започнати, но тие се надеваат дека Комисијата наскоро ќе се состане и ќе ја добијат подршката од државата.
Во меѓувреме Максим е на дијализа дома, на апарат од Детската клиника кој е стар 20 години. Неговата мајка Милена вели дека поради лошиот третман со дијализата на Максим му се влошила состојбата.
За случајот на Максим се запознати лекарите од цела Германија бидејќи неговото лекување за нив е голем предизвик .Првата средба со нив, Максим ќе ја има деновиве. Во меѓувреме се отворени донации за спас на животот на ова четири и полгодишно дете. За семејството секоја помош е добредојдена.
Донирајте преку телефонските броеви: 070 143 402, 075 143 402, 077 143 402(100 мкд и ддв)
Или на следната жиро сметка:
НЛБ Тутунска банка
Број на сметка 210700000608132