Овде или некој во коалицијата не разбрал нешто, или „патриотизмот” и принципите на сите во веселата дружина им се на копче и им важат само за ПР, но не и за плати, хонорари и тендери, пишува на својот фејсбук профил поранешниот пратеник Павле Богоевски, потсетувајќи на изјавата на функционерот на Алијанса за Албанците, Арбен Таравари дека услов за коалиција со ВМРО-ДПМНЕ е почитување на Преспанскиот договор, додека пак поранешниот генерален секретар на таа партија, Игор Јанушев истакна дека за нив Договорот со Грција е завршена работа.
„Таравари: За нас услов за коалиција е Преспанскиот договор, а Мицкоски нема проблем со тоа.
Јанушев: За нас Преспанскиот договор е завршена работа, Градоначалниците на вмро ќе прифаќаат Северна таму кај што мораат.
За нивните советници во Штип, Преспанскиот договор не е завршена работа – мислат дека нивниот Статут е над Уставот. Се заколнаа на старото, а хонорар ќе земаат со новото, правно име на државата.
Градоначалникот ќе зема плата од Северна, а истото име ќе стои и на тендерите кои ќе ги распишува“, пишува Богоевски.