Болните од леукемија стравуваат дека државата сака да им го укине лекот Гливек кој ги одржува во живот и да го замени со три други препарати кои се веќе регистрирани во нашата држава.
Овие лекови се многу поевтини од лекот кој сега го употребуваат, но ниту една држава, освен Србија не го употребува за хроничен тип на леукемија. Пациентите кои десет години се бореа за да се стави лекот Гливек на позитивната листа за да не го купуваат, се сомневаат дека надлежните сакаат да ги стават овие лекови на позитивната листа бидејќи Бирото за лекови, тајно без консултација со нив и со хематолозите ги регистрирало овие препарати.
-Нашите стравувања се дека на тендерот во мај на Клиниката за хематологија овие лекови ќе конкурираат и како поевтини ќе добијат на тендерот, а всушност не се адекватни за лекување на нас како пациенти изјави за НОВА Пепо Леви од здружението за ХЛМ.
Пациентите се во паника, ставуваат за нивната иднина.
-Зарем ние сме експериментални глувчиња, за да ни даваат неиспитани лекови вели Ленче Ливриниќ која шест години боледува од леукемија, а две години сама си го купувала лекот Гливек.
Стручњаците, хематолизите велат дека немаат никакви сознанија за новите лекови ниту, пак биле прашани дали тие одговараат за лекување на ваков вид леукемија.
-Ние имаме одлучно искусуство со лекот Гливек цели десет години и за нас е голема непознаница како ќе делува евентуалната примена на новите лекови за кој немаме ниту литературни, ниту податоци од други колеги со кои имаме стручни контакти изјави доктор Александар Стојановиќ од Клиниката за хематологија.
Во Македонија има 62 пациенти со хронична леукемија кои се ставени на третман на лекот Гливек. Месечна терапија за еден пациент државата ја чини 2600 евра. Пред да биде ставен на позитивна листа дел од пациентите сами си го купуваа, земаа кредити се задолжуваа или продаваа куќи за да можат да се лекуваат. Останатите умираа. Дали сега ќе им биде одземена можноста да се лекуваат со овој лек, дали тој ќе биде заменет со други поефтини лекови останува да се види.